الم نصیب اسیر محن فرات کے
نوحہ
الم نصیب اسیر محن فرات کے پاس
کہاں سے آگئے یہ بے وطن فرات کے پاس
وہ پیاس سولہ پہر کی وہ پیاس ہائے غضب
حسین رہ گئے تشنہ دہن فرات کے پاس
یہیں یہ رہ گئے بستی بسا کے قبروں کی
ہوئے تھے میہاں جو خیمہ زن فرات کے پاس
علی کی جان ہے زہرا کے دل کا ٹکڑا ہے
پڑا ہے خاک پہ جو بے کفن فرات کے پاس
دم سحر کوئی بی بی ابھی یہ کہتی ہے
اذان دو مرے شیریں سخن فرات کے پاس
کہیں سے ابر ہی آکر ذرا برس جائے
نبی کی آل ہے تشنہ دہن فرات کے پاس
کوئی نہ دے سکا بچے کو بوند بھر پانی
تڑپ کے مر گیا طمنچہ دہن فرات کے پاس
حسن کے لال کا لاشہ اٹھا لو دامن میں
کہ ٹکڑے ٹکڑے ہے وہ گلبدن فرات کے پاس
شہادت شہ والا کے بعد ایسا لگا
زمیں پر آگیا چریخ کہن فرات کے پاس
سنائی دیتی ہے اب تک وہ دکھ بھری آواز
معظّمہ کوئی ہے نالہ زن فرات کے پاس
بہت دنوں سے ہے مختارؔ آرزو دل میں
کبھی سناؤں میں اپنے بخن فرات کے پاس
شاعر اہلبیت:مختارؔ مبارکپوری
نوٹ: اہلبیت کی مدح میں کہے گئے کوئی بھی اشعار جو اس ویبسائٹ پر موجود نہ ہوں شامل کرنے کے لئے ہم سے رابطہ کریں۔
Contact Us: husainiclips@gmail.com
