مرا کیوں بند کرتے ہو پانی میں محمدؑ کا لخت جگر ہوں
نوحه
مرا کیوں بند کرتے ہو پانی میں محمدؑ کا لخت جگر ہوں
میں محمد کا لخت جگر ہوں میں محمد لخت جگر ہوں
کیا میں دو دن کا پیاسا نہیں ہوں
کیا نبی کا نواسہ نہیں ہوں
کیا میں حق کا شناسا نہیں ہوں
کیا میں فرزند زہرا نہیں ہوں
میرا کیوں بند کرتے ہو پانی میں محمد کا لخت جگر ہوں
کیا تمہارا میں مہماں نہیں ہوں
حامل دین و ایماں نہیں ہوں
جان فخر رسولاں نہیں ہوں
کہہ دو کیا میں مسلماں نہیں ہوں
مرا کیوں بند کرنے ہو پانی محمد کا لخت جگر ہوں
مجھ کو آخر سناتے ہو کیوں تم
کعبہ دیں گراتے ہو کیوں تم
مرا خیمہ جلاتے ہو کیوں تم
میرے دل کو دکھاتے ہو کیوں تم
مرا کیوں بند کرتے ہو پانی میں محمد کا لخت جگر ہوں
پیاس سے مضطرب ہے سکینہ
بند دو دن سے ہے پانی پینا
پیاس کے مارے جتا ہے سینہ
ننھی بچی کا مشکل ہے جینا
مرا کیوں بند کرتے ہو پانی میں محمد کا لخت جگر ہوں
نا سمجھ بے ادب شام والوں
خود کو بدنامیوں سے بچا لو
نہر سے اپنا پہرہ ہٹا لو
دے کے دعوت نہ نیزہ اچھا لو
مرا کیوں بند کرتے ہو پانی میں محمد کا لخت جگر ہوں
ہائے مختارؔ بدلا زمانہ
ہے دکھوں میں نبی کا گھرانہ
بیکسوں کا کہاں ہے ٹھکانا
ساتویں سے ہے بند آب و دانہ
مرا کیوں بند کرتے ہو پانی میں محمد کا لخت جگر ہوں
شاعر اہلبیت:مختارؔ مبارکپوری
نوٹ: اہلبیت کی مدح میں کہے گئے کوئی بھی اشعار جو اس
ویبسائٹ پر موجود نہ ہوں شامل کرنے کے لئے ہم سے رابطہ کریں ۔
Contact Us: husainiclips@gmail.com
